He Whakamārama mō ngā Pārongo i Worksite / PaeMahi

Kia Tomo Mai te Tangata me te Kore e Whāki Mai Ko Wai Ia

Ka taea e koe te tomo mai te whārangi kāinga o tā mātou pae tukutuku, te tirotiro hoki i te pae tukutuku me te kore e whāki mai i ngā kōrero whaiaro mōu.

Te Kohikohi Raraunga me te Whakaatu Hei Aha aua Raraunga

Heoi anō, kohia ai e mātou ētahi kōrero whaiaro tērā ka āta homai e koe i a koe e whakamahi ana i tā mātou pae tukutuku me ana ratonga. Ko ngā take anake e whakamahia ai ngā raraunga whaiaro nei, hei tuku pārongo, tānga kōrero rānei ki a koe, hei whakakaha ake rānei i te hāngai o ngā rauemi ka utaina ki te pae tukutuku nei.

Kāore e whākina ō kōrero whaiaro ki ngā rōpū, ki ngā whakahaere rānei kei waho atu o te Worksite / PaeMahi.

Te Kohinga Aunoa o ngā Pārongo

Whakamahia ai e Worksite / PaeMahi tētahi "kuki" hei whakapūmau i te hono ki te tangata kua toro mai i Worksite / Paemahi. Ko te kuki nei, he wāhanga pārongo ka tukuna e tētahi pae tukutuku noho Ipurangi ki tō pūmanawa tirotiro ina nanao mai koe i ētahi pārongo i taua pae tukutuku. Kia mutu tō tirotiro haere, kua poroa aunoatia te kuki nei.

Whakamahia ai ngā tatauranga o te pae tukutuku ki te whakapai ake i ngā pārongo i runga i te tāwaha, ki te waihanga rauemi mō te pae tukutuku e hāngai ana, ā, ki te whakapai ake i ngā hua ka puta i ngā kimihanga.

Te Noho Tapu o ngā Kōrero/Te Noho Haumaru

Kua whakatakotoria ētahi kaupapa-here noho haumaru, ētahi ture, me ētahi tikanga hangarau hei tiaki i ngā raraunga whaiaro ka tau mai ki a mātou, kia kore ai:

• e taea e te hunga kāore e whakaaetia tā rātou tirotiro i aua kōrero
• e whakamahia, e whākina rānei i runga i te hē
• e hurihia e te hunga kāore i whakaaetia tā rātou raweke i aua kōrero
• e whakakorea i runga i te hara mārire, i te pokerehū rānei

Katoa ā mātou kaimahi me ā mātou kairaweke raraunga e āhei atu ana ki ngā raraunga whaiaro, me hāpai rawa i te noho tapu o ngā raraunga whaiaro o te hunga toro mai i a mātou i runga i te Ipurangi.

Tō toro mai i ngā raraunga whaiaro mōu kei a mātou pea e pupuri ana

Mehemea kua homai e koe ngā kōrero mō te whakapā atu ki a koe, e pai ai te tuku tānga kōrero atu ki a koe, e pai ai rānei tō whakamahi i ētahi atu ratonga a tēnei whakahaere e iri mai ana i te Ipurangi, ka taea e koe te tono tā mātou kaiwhakahaere pae tukutuku māna e tuku atu ki a koe ngā raraunga whaiaro mōu e puritia ana e mātou, hei whakatikatika māu.

Te Tautoko i te Matatapu

Me he pātai, he āwangawanga rānei ōu e pā ana ki tā mātou kaupapa-here matatapu, tēnā koa whakapā mai.